ශ්‍රී ලංකාවේ ඉතා ශීග්‍රයෙන් වර්ධනය වන සෞඛ්‍ය සේවා ජාලයක් වන Medihelp Hospitals සිය කළුතර සහ මතුගම ශාඛා පුළුල් කරමින් සේවා පුළුල් කරයි. මෙය මෙඩිහෙල්ප් රෝහල් ජාලයේ දැරිය හැකි මිලකට උසස් තත්ත්වයේ සෞඛ්‍ය සේවා සැපැයීමේ අඛණ්ඩ මෙහෙවර තව දුරටත් ශක්තිමත් කරන වැදගත් පියවරකි. වසර කිහිපයක් පුරා කළුතර සහ මතුගම නගරවල සාර්ථකව ක්‍රියාත්මක වූ Medihelp ශාඛා රෝගී සංඛ්‍යාවේ ශිඝ්‍ර හා අඛණ්ඩ වර්ධනය හේතුවෙන් පවතින පහසුකම් සීමා ඉක්මවා තිබුණි. එයට ප්‍රතිචාර ලෙස සමාගම යාබද ගොඩනැගිලි හා ඉඩම් අත්පත් කර ගනිමින් තම සේවා සපරාසය පුළුල් කිරීමට කිරීමට පියවර ගෙන ඇත. නවීකරණය කළ මෙම පහසුකම්වලට වෛද්‍ය උපදේශන කාමර, ඩිජිටල් එක්ස් රේ, ඔසුසල්, නවීන හා සුව පහසු රෝගී ප්‍රතිකාර ඒකක ඇතුළත් වේ. මෙමගින් රෝගීන්ට වඩාත් වේගවත් සහ සුව පහසු සෞඛ්‍ය සේවාවක් ලැබීමට ඉඩ සැළැසෙනු ඇත.
“කළුතර සහ මතුගම අපගේ ව්‍යාප්තිය ප්‍රජා මූලික සෞඛ්‍ය සේවා ශක්තිමත් කිරීමේ අපගේ දිගු කාලීන දැක්ම පිළිබඳ පැහැදිලි සාක්ෂියක්. මෙම ප්‍රදේශවල ජනතාව අප වෙත තැබූ විශ්වාසය අපට ගෞරවයක් මෙන්ම වගකීමක්. ඔවුන් සමඟ එක් වෙමින් සෞඛ්‍ය සේවා මට්ටම නිරන්තරයෙන් ඉහළ නැංවීමට අපි කැපවී සිටිනවා.” Medihelp Hospitals කළමනාකරණ අධ්‍යක්ෂ චන්දික විජේසිරිවර්ධන මහතා පැවැසීය. මෙම ව්‍යාප්තිය Medihelp ජාලය ව්‍යාප්ත කිරීමේ සැළැස්මේ කොටසක් වන අතර සමාගම නව ශාඛා කිහිපයක්ද ඉදිරියේදී ඇරැඹීමට සැළැසුම් කර ඇත. ශක්තිමත් නායකත්වය, නවෝත්පාදන, නව පද්ධති සහ වෘත්තීයමය සෞඛ්‍ය ප්‍රමිති මත පදනම් වී Medihelp Hospitals ශ්‍රී ලංකාවේ විශ්වාසනීය සහ ප්‍රමුඛ සෞඛ්‍ය සේවා සැපැයුම්කරුවෙකු වීමේ ගමන අඛණ්ඩව ඉදිරියට රැගෙන යාමට කටයුතු කරමින් සිටී.
