පුවත්

IIHS උපාධි හා සහතික පත්‍ර ප්‍රදානෝත්සවය සාර්ථකව අවසන් වේ

දකුණු ආසියානු කළාපයේ සෙෳඛ්‍ය අධ්‍යාපනයේ ප්‍රමුඛයා වන International Institute of Health Sciences (IIHS) හි පාඨමාලා සාර්ථකව අවසන් කළ සිසු සිසුවියන් 800කට පමණ උපාධි සහ සහතික පත්‍ර ප්‍රදානෝත්සවය පසුගියදා කොළඹදී පැවැත්විණි. එම ආයතනයේ 15 වැනි උපාධි හා සහතික පත්‍ර ප්‍රදානෝත්සවය වන මෙහිදී පදනම්, ඩිප්ලෝමා, ප්‍රථම උපාධි, පශ්චාත් උපාධි සහ ආචාර්ය උපාධි වැනි පුළුල් පරාසයක විහිදුණු පාඨමාලා සම්පූර්ණ කළ සිසු සිසුවියන්ට අදාළ උපාධි හා සහතික පත්‍ර ප්‍රදානය කරන ලදී.

එහිදී උපාධි සහ සහතික පත්‍ර ලැබූ සිසු සිසුවියන් සමඟ IIHS ගෝලීය වශයෙන් මෙතෙක් බිහි කළ සෙෳඛ්‍ය වෘත්තිකයන් සංඛ්‍යාව 3,500කට අධික වේ. ඒ අතරින් රජයේ හෙද නිලධාරීන් 2,500ක් පමණ බිහි වී ඇති අතර එය සෙෳඛ්‍ය වෘත්තිකයන් සඳහා දිනෙන් දින ඉහළ යන ඉල්ලුම සැපිරීමට IIHS සතු කැපවීම තහවුරු කරයි. ඔවුන් මෙතෙක් බිහි කළ සෙෳඛ්‍ය වෘත්තිකයන් අතරින් 500කට අධික පිරිසකට ජාත්‍යන්තර රැකියා අවස්ථා ලැබී ඇත.

මෙම උපාධි හා සහතික පත්‍ර ප්‍රදානෝත්සවයේදී එක්සත් රාජධානියේ කොවෙන්ට්‍රි විශ්ව විද්‍යාලය පිරිනමන සුදුසුකම් සැපිරූ හෙද නිලධාරීන් 790කට වැඩි පිරිසක්ද සිය උපාධි ලැබීම සුවිශේෂ සන්ධිස්ථානයකි. එය කොවෙන්ට්‍රි විශ්ව විද්‍යාලයේ ජාත්‍යන්තර ශාඛාවකින් උපාධි ලැබූ වැඩිම ජාත්‍යන්තර සිසු සිසුවියන් පිරිස වේ. IIHS දීර්ඝ කාලයක් පුරා කොවෙන්ට්‍රි විශ්ව විද්‍යාලය සමඟ සහයෝගයෙන් කටයුතු කරන අතර එ් හරහා උසස් ප්‍රමිතියෙන් සපිරි පාඨමාලා රැසක් හඳුන්වා දීමට IIHS සමත් වී ඇත. මෙරට පළමු වරට ශාස්ත්‍රපති උපාධිය ලැබූ විශාලම හෙද නිලධාරීන් සංඛ්‍යාවට අදාළ උපාධි ප්‍රධානයද මෙම උපාධි හා සහතික පත්‍ර ප්‍රදානෝත්සවය අතරතුරදී සිදු විය.

දශක දෙකකට වැඩි ඉතිහාසයක් සහිත IIHS ලොව පුරා ඇති යහපත් භාවිතවලට හා ප්‍රමිතිවලට අනුකූලව සෙෳඛ්‍ය අධ්‍යාපන ක්ෂේත්‍රයට අදාළ පාඨමාලා රැසක් හඳුන්වා දී ඇත. ඊට අමතරව පර්යේෂණ සහ ප්‍රජා සංවර්ධන වැනි ක්ෂේත්‍රවලට අදාළ වැඩසටහන් රැසක්ද ඔවුන් මේ වන විට හඳුන්වා දී තිබේ. ඒ තුළින් නව සෙෳඛ්‍ය වෘත්තිකයන් දහස් ගණනක් බිහි කිරීමටත්, තවත් වෘත්තිකයන් විශාල පිරිසකගේ වෘත්තීමයභාවය ඉහළ නැංවීමටත් IIHS ක්‍රියා කර ඇත.

Related posts
පුවත්

IIHS සාම්ප්‍රදායික සීමාවලින් ඔබ්බට යමින් XR හා High-Fidelity විද්‍යාගාර විවෘත කරයි

සාම්ප්‍රදායික සීමාවලින් ඔබ්බට යන…
Read more
පුවත්

රාජ්‍ය ඖෂධ නීතිගත සංස්ථාවේ (SPC) ඔසුසල ජාලයේ 55 වන ඔසුසල අම්බලන්ගොඩ නගරයේ දී විවෘත කෙරේ

මහාචාර්ය සේනක බිබිලේ මහතාගේ ගමෙත්…
Read more
පුවත්

බීම් හෙළ ඔසු ලංකා Golden Inmediens සම්මාන උළෙලේ දී රිදී සම්මාන දිනයි

මෙරට ප්‍රමුඛ පෙළේ ආයුර්වේද ඖෂධ…
Read more
Newsletter
Become a Trendsetter
Sign up for Davenport’s Daily Digest and get the best of Davenport, tailored for you.

1 Comment

Leave a Reply

Your email address will not be published.