පුවත්

බීම් හෙළ ඔසු ලංකා Golden Inmediens සම්මාන උළෙලේ දී රිදී සම්මාන දිනයි

මෙරට ප්‍රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්මානයෙන් පිදුම් ලැබීය. දේශීය වෛද්‍ය ව්‍යවසායකත්වය සංවර්ධනය කිරීමේ සහ ප්‍රවර්ධනය කිරීමේ අරමුණෙන් සංවිධානය කරන ලද මෙම  සම්මාන උළෙල අග්‍රාමාත්‍ය දිනේෂ් ගුණවර්ධන,  දේශීය වෛද්‍ය රාජ්‍ය අමාත්‍ය සිසිර ජයකොඩි සහ තවත් කැබිනට් හා රාජ්‍ය අමාත්‍යවරුන් රැසකගේ ප්‍රධානත්වයෙන් බත්තරමුල්ල වෝටර්ස් එජ් හෝටලයේදී පැවැත්විණි.

ජනතාවට උසස්ම තත්ත්වයේ ශාකසාර නිෂ්පාදන සැපයීම සඳහා කැපවීමෙන් කටයුතු කරන බීම් හෙළ ඔසු ලංකා සමාගම 1994දී ඇරැඹිණි. එම සමාගම වෙළෙඳපොළට නිකුත් කරන ඉහළම ඉල්ලුමක් ඇති නිෂ්පාදන අතර ළමුන් සඳහා දෙන ජීව සිරප් හා කප්පරවල්ලිය පැණිය, ශාකසාර පාන වර්ගවලට අයත් බීම් සුව ධරණී හා විවිධ රසවලින් යුතු තේ වර්ග, ඖෂධීය ආලේපන ඛාණ්ඩයට අයත් බීම් බාම් හා කපුරු ක්‍රීම්, ශාකසාර පෞද්ගලික සුවතා නිෂ්පාදන වන අශ්වගන්ධ කරල් හා එඬරු තෙල්, ශරීරයේ ප්‍රතිශක්තිය වර්ධනය කරන සුදර්ශන කරල් හා සුවෝදා පේයාව ආදිය ප්‍රධාන තැනක් ගනී. සිය නිෂ්පාදන සහ සේවාවල ප්‍රමිතිය සහ ගුණාත්මක බව සහතික කරමින් පාරිභෝගිකයන් තෘප්තිමත් කිරීමට බීම් හෙළ ඔසු ලංකා සමාගම සෑම විටම උත්සාහ කරයි. නවීන තාක්ෂණය සමඟ සිය නිෂ්පාදනවල ස්වාභාවික ශාකසාර බව සහ ඖෂධීය වටිනාකම රැක ගැනීම පිළිබඳව එම සමාගම සුවිශේෂ අවධානයක් යොමු කරයි. ISO 22000:2018 වැනි තත්ත්ව සහතික රැසක් දිනා ඇති බීම් හෙළ ඔසු ලංකා සමාගමේ නිෂ්පාදන දිවයින පුරා පිහිටි බටහිර ඔසුසල්වලින්, සුපිරි වෙළෙඳසල්වලින්, ආයුර්වේද ඔසුසල්වලින් සහ දිවයින පුරා විහිදී සිටින සුදුසුකම් ලත් ආයුර්වේද වෛද්‍යවරුන්ගෙන් මිල දී ගත හැකිය.

Related posts
පුවත්

IIHS සාම්ප්‍රදායික සීමාවලින් ඔබ්බට යමින් XR හා High-Fidelity විද්‍යාගාර විවෘත කරයි

සාම්ප්‍රදායික සීමාවලින් ඔබ්බට යන…
Read more
පුවත්

රාජ්‍ය ඖෂධ නීතිගත සංස්ථාවේ (SPC) ඔසුසල ජාලයේ 55 වන ඔසුසල අම්බලන්ගොඩ නගරයේ දී විවෘත කෙරේ

මහාචාර්ය සේනක බිබිලේ මහතාගේ ගමෙත්…
Read more
පුවත්

ලෝක දෘෂ්ටිමිතික සතියට සමගාමීව අක්ෂි සෞඛ්‍ය ප්‍රවර්ධනය කිරීම සඳහා විෂන් කෙයා විසින්  "Vision Care Primary Eye Screening Program" දියත් කරයි

ශ්‍රී ලංකාවේ ප්‍රමුඛතම දෘෂ්ටි…
Read more
Newsletter
Become a Trendsetter
Sign up for Davenport’s Daily Digest and get the best of Davenport, tailored for you.

Leave a Reply

Your email address will not be published.